Afturhaldssemi/Skandall

   

Sú ákvörðun að Kvennó fari ekki áfram er skandall. Niðurstaðan er byggð á þeim rökum að slíkt hafi aldrei verið gert áður. Þetta er óréttlæti bæði gagnvart MH og Kvennó.

    MH-ingar hljóta að víla það fyrir sér hvort liðið segi sig ekki úr keppni og leyfi réttmætum sigurvegurum að halda áfram, liðið hlýtur að finna sig í einhverskonar tilvistarkreppu það sem eftir er af keppninni.

    Mistök hafa komið fyrir áður í Gettu Betur þá oftast vafaatriði eða svör gefin sem gætu talist rétt en ekki nákvæmlega svarið sem dómari leitar eftir, það á hins vegar ekki við hér. 

     Í það minnsta á RÚV að greiða nemendafélagi Kvennaskólans skaðabætur sem samsvarar þeirri upphæð sem liðið hefði fengið fyrir sigur.

    Einnig gagnrýni ég RÚV, stýrihóp GB og Andrés Indriðason harkalega fyrir algjöru vöntun á upplýsingaflæði til áhorfenda, GB heimasíða RÚV er svo gott sem dauð og ef ekki væri fyrir frábært framtak einkaaðila, www.gettubetur.is , væri engin umfjöllun um keppnina í ár.  

En svona getur lífið verið ósanngjarnt!!!

Mistök í Gettu betur

Athugasemdir

[Heida (IP-tala skráð) 19.2.2008 kl. 17:04]

man nú eftir að fyrir nokkrum árum þá svaraði MH rétt

með spurningunni hver var fyrsta breiðskífa Kolrössu Krókríðandi

svarið var Drápa og fengu MHingar vitlaust fyrir ..

[Atli (IP-tala skráð) 19.2.2008 kl. 17:51]

Dómarinn gerði bara mistök.  Það er bara partur af þessu öllu saman.  Óþarfi hjá krökkunum í Kvennaskólanum að vera svona tapsárir.

[Ásgeir Guðmundsson, 19.2.2008 kl. 17:52]

auk þess má nefna að oft hefur verið bætt við stigum eftir á en þá alltaf sagt "ekki að það breyti úrslitum"

[Birkir Helgi Stefánsson, 19.2.2008 kl. 18:24]

Þú verður að taka Human Factor til greina, MHingar hefðu ekki hagað sér eins ef að kvennskælingar væru svona nálægt þeim í stigum og ef til vill svarað fyrr og jafnvel rétt í síðari hluta leiksins.

"Í það minnsta á RÚV að greiða nemendafélagi Kvennaskólans skaðabætur sem samsvarar þeirri upphæð sem liðið hefði fengið fyrir sigur."

 Ertu að tala um að við eigum að gera ráð fyrir því að Kvennaskólinn hefði unnið Gettu Betur keppnina?



[Ásgeir Guðmundsson, 19.2.2008 kl. 18:54]

Að sjálfsögðu er alltaf hægt að færa rök fyrir því að lið beiti sér öðruvísi eftir stigamun en ef reglur eru skýrar um kærufrest og lið hafi það ávallt í huga að mistök gætu átt sér stað í keppninni o.þ.a.l. gæti stigum verið bætt við væru málin öðruvísi.

 Ekkert að gera ráð fyrir einu né neinu en að sjálfsögðu á nemendafélagið að fá skaðabætur þegar málið liggur svo skýrt fyrir. Mín hugmynd af upphæð er hinsvegar sú að hún samsvari sigurlaunum.

[Vilmundur Sveinsson (IP-tala skráð) 20.2.2008 kl. 02:42]

Það er augljóst mál í þessu tilfelli að eitthvað þarf að gera. Þau rök að ekki séu fordæmi fyrir því að breyta úrslitum eða endurtaka keppnir eru marklaus. Það hafa oft komið upp álitamál en þetta liggur í augum uppi og dómarinn sjálfur búinn að játa sín mistök.

Báðir skólar eru með góð og sterk lið til að tefla fram í þessari keppni í ár og gætu þau bæði náð ansi langt, án vafa í úrslit. Fyrir hverja keppni fá nemendafélögin góða peningasummu sem koma nemendum skólanna vel. Því eru Kvennskælingjar að horfa á eftir mikilum peningum.

Einnig þarf skólinn sjálfur að horfa á eftir ansi góðri auglýsingu, en það er löngu ljóst að Gettu Betur hefur mikil áhrif orðspor skólana og þar af leiðandi á það hvert góðir og efnilegir grunnskóla nemendur sækja framhaldsnám sitt.

Nú er komið að því að dómarinn og rúv leiðrétti þessi mistök og endurtaki keppnina eða gefi Kvennskælingjum stigið.

Mín skoðun er sú að réttast væri að endurtaka keppnina.

Óska SÍF alls hins besta og er virkilega ánægður hversu sýnileg og dugleg þau eru.

Ég er ekki kvennskælingur og ég er ekki Mh-ingur.